குறி பயங்கரவாதி..!

இரா. மோகன்ராஜன் Posted On October 8, 2020

88 Views

இரா.மோகன்ராஜன்

நீ என்பதும்

குறி என்பதும்

வேறு வேறல்ல.

உன் அடையாளம் என்பது

குறியிலிருக்கிறது.

நீ

குறியாயிருக்கிறாய்.

அவன், இவன், உவன்

என்று சொல்வதெல்லாம்

குறிகளின் பிறிதொரு

பெயர்களாகவே இருக்கின்றன.

நீளும் உன் நாவு

பேசும் குறியாகவே

எப்போதும்

இருந்துவிடுகிறது.

காமத்தின் உரையாடலை

தொடங்கி வைக்கும் உனது

குரல்

குறியின் ஒலிவடித்தைக்

கொண்டிருக்கிறது.

இந்திரியத்தை

ஒளித்துவைத்திருக்கும்

குறிகளைப் போன்றே

காமத்தை ஒளித்து

வைத்தித்திருக்கிறது

அது.

உனது நிமிர்ந்த மீசையை

குறியின் மயிர்

வடிவமென்கின்றாய்

குறியின் அதே

பெருமிதத்துடன்.

காமத்தின் சொற்களை

உன் உதடுகள்

உச்சரிக்கும்போது

உனது எச்சில்கள்

இந்திரியங்களையே

உமிழ்கின்றன.

பத்துவிரல்களையும்

உன்னால்தான்

குறிகளின்

மூலதனமாக்கிவிட

முடிகிறது.

சாதி, மதம்

மேல், கீழ் எல்லாம்

உன் குறியின்

பொருட்டாளானவை.

ஆட்சியும்,

அதிகாரமும்

வன்முறையும்

செங்கோலும்

லத்தியும்

உனது

அரசியல் குறிகள்.

உனது வரலாறு என்பதே

ஆண்குறிகளின்

வரலாறாகவே இருக்கின்றன.

எப்போதும்.

உனது படையணிகளும்,

பீரங்கிகளும்

ஏவுகணைகளும்

உன் குறியின்

ஆயுத வடிவமே.

உனது போர்கள் என்பன

எல்லாம்

குறிகளுக்கிடையிலானப் போரே.

வெற்றியும்

தோல்வியும்

ஆக்கிரமிப்பும்,

ஆள்தலும்,

ஆணவமும்

அதிகாரமும்

குறிகள் குறித்தனவே.

புணரும்

ஆயுதங்களுடன்

திரியும்

ஒரு

பயங்கரவாதியாக

இருக்கிறாய்

சக

பெண்ணுலகிற்கு.

வன்முறையில் நீளும்

கொலைக் கருவியாகவே

அவற்றை

கொண்டிருக்கிறாய்

நீ.

பின்எப்போதும்

மவுனிக்காத

உன் ஆயுதங்கள்

பெரும் அச்சத்துடனே

வைத்திருக்கச்

செய்கின்றன.

யோனிகளை.

அத்துமீறும் உன்

குறிகளால்

ஒரு போதும்

புரிந்து கொள்ள முடியவதில்லை

யோனிகளையும்

அவற்றின் வலிகளையும்.

Post Views: 88

Author

இரா. மோகன்ராஜன்

எழுத்தாளர் இரா. மோகன்ராஜன் திருவாரூர் மாவட்டம் முத்துப்பேட்டையைச் சேர்ந்தவர். எழுத்துக்காக தன் வாழ்க்கையை அர்ப்பணித்தவர். தன் நிலம் சார்ந்து, மொழி சார்ந்து, ஈழம் சார்ந்து, சூழல் சார்ந்து அவர் எழுதும் படைப்புகள் அனைத்தும் காத்திரமானவை. மதவெறி எதிர்ப்பு சார்ந்த அவருடைய பதிவுகள் ஏராளம். இவரது எழுத்துக்காக நக்கீரன் அறக்கட்டளையின் சின்னக்குத்தூசி விருது வழங்கப்பட்டிருக்கிறது. உயிர்எழுத்து, காக்கைச் சிறகினிலே, பேசும் புதிய சக்தி, மானுடம் முதலிய இதழ்களில் தொடர்ந்து தன் பங்களிப்புகளைச் செய்துவருபவர். 'இருள் என்பது குறைந்த ஒளி' , 'கடவுளின் படையும், குழந்தைப் போராளிகளும்' , 'எழுதுகோலைக் கொல்லும் அரசியல்' முதலான நூல்களை எழுதி உள்ளார். புதியபரிமாணம் தளத்தில் இவருடைய கவிதைகளும், கட்டுரைகளும், புத்தக மதிப்புரைகளும் தொடர்ச்சியாக வந்துகொண்டிருக்கின்றன. இரா. மோகன்ராஜன் அவர்களின் முகநூல் சுட்டி கீழே :